SJGD

landing

JOOL is steeds die fondswerwingsbeen van die organisasie en gesamentlik spreek hulle die behoeftes in Potchefstroom en omliggende omgewing aan en poog om tot die beste van hul vermoë dit te bevredig of verligting te bring.

Die grootste gedeelte van SJGD se fondse is afkomstig van JOOL, alhoewel SJGD ook saam met verskeie organisasies werk en in die verlede al ondersteun is deur verskeie fondse en trusts. SJGD gebruik dan 70% van die geld om hul eie projekte te finansier en die ander 30% word dan beskikbaar gestel aan die gemeenskap. Die gemeenskap kan dan aansoek doen vir fondse om hul eie projekte en behoeftes te finansier.

Deur die Vroeë Kinderontwikkeling kategorie word ongeveer 800 kleuters se lewens jaarliks deur SJGD verryk. In die kategorie Kinders en Jeugontwikkeling word daar met ongeveer 1200 leerders gewerk en ongeveer 700 Kwesbare Volwassenes baat by die dienste en programme van SJGD. Die program sou ook nie moontlik gewees het sonder die hulp van vennote soos Vodacom Foundation en Bafenyi Trust nie.

SJGD bied jaarliks aan lede van die gemeenskap asook organisasies die geleentheid om aansoek te doen vir fondse om die nood waarin hul verkeer te verlig. Instansies wat al gebaat het by uitbetalings is Childline, SAVF, die Dienssentrum vir bejaardes, die DBV, Helpende hand en onderskeie ander organisasies. SJGD skakel ook met verskeie organisasies soos Cansa, SAVF, Rotary, NG Welsyn en andere.